منتد ى ندى الاحباب

منتدى عام افلام وصور وقصص للكبار فقط .العاب .فضائى .كمبيوتر

مشا هدة منتديات المتميزين للاعضاء فوق 200 مشاركة
http://www3.0zz0.com/2011/03/09/13/606419571.gif

 


دخول

لقد نسيت كلمة السر


أفضل 10 أعضاء في هذا الأسبوع

احصائيات

أعضاؤنا قدموا 102010 مساهمة في هذا المنتدى في 22458 موضوع

هذا المنتدى يتوفر على 18255 عُضو.

آخر عُضو مُسجل هو رحال في الخيال فمرحباً به.

المتواجدون الآن ؟

ككل هناك 18 عُضو متصل حالياً :: 2 عُضو, 0 عُضو مُختفي و 16 زائر :: 2 عناكب الفهرسة في محركات البحث

nancyahmad426, الوحش الاحمر


[ مُعاينة اللائحة بأكملها ]


أكبر عدد للأعضاء المتواجدين في هذا المنتدى في نفس الوقت كان 546 بتاريخ الأربعاء 16 فبراير 2011 - 17:51

طريقة وضع مكياج بالصور رسم العيون تعليم عمل رسمة العين

شاطر

alskandr
مؤسس المنتدى
مؤسس المنتدى

الدولة: مصر
رقم العضوية: 1
الجنس: ذكر

عدد المساهمات: 20465
شكرا شكرا: 597
تاريخ التسجيل: 21/10/2009

طريقة وضع مكياج بالصور رسم العيون تعليم عمل رسمة العين

مُساهمة من طرف alskandr في الإثنين 18 يوليو 2011 - 0:54

مكياج العيون بالصور , انواع مكياج العيون , خطوات وضع مكياج للعين , ملف شامل عن مكياج العيون بالصور





مكياج عيون
مكياج عيون احلى مكياج للعيون المكياج عيون انواع مكياج العيون تعليم مكياج العين خطوات وضع مكياج العيون صور ميك اب عيون
طريقة وضع مكياج بالصور رسم العيون تعليم عمل رسمة العين مكياج 2011
العيون دائماً ما تحمل السحر الخاص لكل فتاة ده لأن جمال العين له تأثير خاص جداً في إظهار جمال الوجه....

وهنا يأتي دور الماكياج لكي يساعد في إبراز هذا الجمال والسحر.

ولأن الاعتدال والبساطة هما أفضل شيء في الماكياج وبالذات ماكياج العيون نجد هنا ملف كامل عن مكياج العيون .




1- قلم الكحل :

قلم الكحل من أهم أدوات الماكياح المستخدمة في ماكياج العيون، لأنه من أكتر الحاجات اللي بتبين جمال العين







إزاي تشتري قلم كحل كويس؟!




بصي
يا ستي من أهم مواصفات قلم الكحل الكويس إنه يكون طري جدا؛ لأنه بيكون
داخل عينيكي وفوق عينيكي ودي مناطق حساسة جداً، علشان كده يا ريت إنك
تجربيه على إيديكي قبل ما تشتريه، لأن أحسن نوع كحل كويس هو اللي بيكون طري
وبيعمل لون تقيل على الإيد، ويا ريت كمان إنك تشتريه من مكان مضمون وموثوق






أقلام الكحل بألوان متعددة




دلوقتي
بقى فيه أقلام كحل بألوان كثيرة أوي غير الأسود والبني؛ فممكن إنك تلاقي
ألوان زي الأخضر والموف والفضي والذهبي، يا ريت تحرصي إن الألوان دي تكون
موجودة عندك، وده لأنك ممكن تحتاجي ليها علشان ترسمي عينيكي بألوان مناسبة
لألوان ملابسك، وخدي بالك إنك تحطي الألوان الغامقة فوق عينيكي لإن الألوان
الفاتحة بتخلي العين تظهر بشكل باهت.






إزاي ترسمي عينيكي بالكحل؟!




فيه
بنات كتير أوي بتلاقي صعوبة في رسم عينيها بقلم الكحل مع إنه سهل جداً،
والطريقة الصحيحة والسهلة علشان ترسمي عينيكي بالكحل هي إنك تحطي مراية
صغيرة تحت عينيكي علشان تقدري تشوفي رسمة العين من فوق، وتمشي بالقلم من
أول العين لآخرها ويا ريت تدخلي بيه كمان على خط الرموش لإن أحياناً بيكون
أسفل خط الرموش فاتح، وده بيعمل شكل مش حلو، ومش لازم تحددي عينيكي كلها
يعني من فوق بتحدديها كاملة ومن تحت على حسب شكل عينيكي.











وعلى فكرة كل عين ولها رسمة معينة تظهر جمالها؛ فمثلا لو...


* عينيكي صغيرة




يبقى
تحدديها من فوق كلها بالكحل ومن تحت بتحدديها بخط رفيع جداً يبدأ من نص
العين إلى الخارج، وممكن ترسمي داخل عينيكي بلون فاتح زي الأبيض أو الرمادي
أو الأوف وايت، والطريقة دي بتدي شكل أوسع للعين.






عينيكي واسعة




يبقى
تحطي الكحل من فوق وعلى الرموش وداخل العين، وكمان ممكن تحطي تحت الرموش
خط أسود أو رمادي ،والطريقة دي هي أحسن طريقة علشان تعالجي مشكلة العين
الواسعة أو البارزة.


وفيه ناس كتير مش بيحبوا إنهم يحطوا كحل تحت
العين؛ لكني بانصحهم بإنهم يحطوا الكحل تحت وداخل العين لإن ده بيدي نظرة
عميقة ومشرقة وبيوسع العين، وكمان ممكن تستخدمي فرشاة صغيرة مع قلم الكحل
علشان تحصلي على الشكل الدخاني، وده بيخلي العين شكلها حلو أوي وبيعمل نظرة
جذابة للعين وشكله مش بيكون باين إنه قلم صريح.





وفي
النهاية أحب أقول لك إنك ممكن تتغلبي على مشكلة إن الكحل بيسيح بإنك تحطي
كونسيلر أو كريم أساس أو بودرة مضغوطة تحت الرموش على طول، وبعدين ترسمي
عينيكي بقلم الكحل، وبعد كده تسيّحي البودرة بفرشاة علشان شكلها ما يبقاش
صريح أوي ودي أحسن طريقة علشان تحطي الكحل من غير ما يسيح.








[b]eye shadow :

[/b]

أكيد
أنت عارفة إن الآي شادو مهم في ماكياج العيون، ده لأنه لو استخدم بالطريقة
الصح هيدي إضاءة وإشراقة وعمق للعين... علشان كده هنعرف مع بعض النهارده
كل حاجة عن الآي شادو، علشان نعرف إزاي إننا نستخدمه بالطريقة الصح...

للآي شادو أنواع متعددة!!





فيه أنواع كتيرة للآي شادو وكل نوع من الأنواع دي بيختلف عن الثاني، وله وقت معين للاستخدام فهتلاقي...



الآي شادو المطفي أو المط



مناسب أكتر في ماكياج الصباح؛ لأنه بيدي إطلالة كلاسيكية بسيطة للعين.






الآي شادو اللامع



مناسب في ماكياج السهرات، وممكن تحطيه أسفل الحواجب، علشان تدي إضاءة للمنطقة دي.






الآي شادو السائل أو المائي



مناسب أيضا في ماكياج السهرات، بس عيبه الوحيد إنك مش بتقدري تتحكمي فيه من عند الجوانب، ومحتاج حد عنده خبرة كبيرة في وضع الماكياج.








إزاي ترسمي عينيكي بالآي شادو؟!




مش
لازم تحطي آي شادو كتير أو الوان كثيرة فوق الجفون؛ لكن ممكن تستخدمي
لونين اتنين وبس؛ لون فاتح ولون غامق وتحصلي على رسمة في منتهي البساطة
والجمال، كمان ممكن تدمجي اللونين مع بعضهم علشان تعملي تدريج في
الألوان...

وعلى فكرة اختيار ألوان الآي شادو راجع للون العين ولون
الشعر ولون اللبس وأيضاً المناسبة، وعلشان يكون الماكياج ناجح ويكون الشكل
جذاب ومبهر لازم تحددي كل الحاجات دي قبل وضع الآي شادو.


إزاي تختاري الآي شادو المناسب للون عينيكي؟!




فيه ألوان كتيرة جداً للآي شادو، واختيار اللون المناسب بيكون على حسب لون عينيكي؛ فلو كنت صاحبة..




عيون زرقاء



هتلاقي
إن أكتر الألوان المناسبة ليكي هي الألوان الغامقة زي الأسود والرمادي
والأزرق، ولو عايزه تفتحي اللون شوية ممكن تستخدمي الروز والأبيض وممكن
البني اللي بيكون مائل للذهبي شويه وممكن تحطي الأبيض اللامع أسفل الحواجب.







• عيون خضراء أو عسلية



هتناسبك البنيات كلها والبيج والبرونزي والأبيض والنحاسي والأخضر والألوان دي بتعمل ميكس حلو أوي مع العين الخضراء.

• عيون سوداء أو بني غامق
هتناسبك
كل ألوان البنيات بدرجاتها المختلفة والرمادي والأسود، وأيضاً البيج
والذهبي والأبيض والأوف وايت، وكمان البرتقالي مع البنيات هيكون حلو جداً.







إزاي تختاري الآي شادو المناسب لشكل عينيكي؟!



كل عين ولها ألوان آي شادو مناسبة؛ فمثلا...




العين الضيقة




يناسبها الألوان الناعمة والفاتحة من الآي شادو وبكمية قليلة لإن كل ما كمية الآي شادو بتزيد كل ما تظهر العين بشكل أصغر.

• العين الواسعة
أما العين الواسعة والبارزة فبيناسبها ألوان غامقة وبكميات أكبر وبالشكل ده هتقلل شوية من بروز العين.





إزاي تستخدمي الآي شادو في معالجة عيوب الوجه؟!



فيه
عيوب ممكن تكون موجودة في الوجه زي مثلا إن المسافة بين زاوية العين
الداخلية وعظمة الأنف صغيرة يبقي في الوقت ده هتحطي لون غامق عند الزاوية
الخارجية للعين، وتسحبيه شوية لبره علشان تحصلي على شكل أوسع لعينيكي، أما
لو كانت المسافة بين الزاوية الداخلية للعين وعظمة الأنف كبيرة يبقي هتحطي
اللون الغامق من عند بداية العين علشان تقللي شوية المسافة بينهم.





إزاي ترسمي عينيكي في المناسبات؟!
لو كان عندك مناسبة وعايزة ترسمي عينيكي بشكل كويس باستخدام الآي شادو، يبقي هتحتاجي أربع ألوان وهم...

اللون الأول: وبيكون لون محايد وبيوضع على كامل الجفن.



اللون الثاني: وده بيكون للون الأساسي، وبيكون لون اللبس أو اللون اللي إنتي عايزاه، ويوضع على منطقة الجفن من النصف وهي مثل الـbanana .



اللون الثالث: بيكون
درجة أغمق بتزودي بيها الزاوية الخارجية، وبتحطيه على شكل خط رفيع فوق
العين، وبعدين تطلعيه للخارج إلى آخر فتحة العين، وتخليه قريب جداً من
الرموش، وعلشان تعملي شكل حلو كمان ممكن تسيبي الخط الرفيع فوق العين من
غير ما تسيحيه؛ لكن لو كانت عينيكي ضيقة يبقي حاولي إنك تعملي تمويجه بالآي
شادو الغامق،




وممكن
كمان تحطي اللون الغامق على الرموش السفلية بفرشة رفيعة جداً من منتصف
العين إلى خارج العين والطريقة دي بتدي شكل أحلى وأوسع للعين.



اللون الرابع: وبيكون أبيض أو أوف وايت، ويوضع أسفل الحواجب لكي يعطي نظرة مشرقة للعين.





إزاي أعمل ميكس بين ألوان الآي شادو؟!




ما فيش قاعدة عامة في الألوان لكن فيه بعض الألوان بتعمل تناغم حلو أوي مع بعضها وبتدي انطباعات مختلفة للعين زي مثلاً...

الأسود Smokey eyes مع الألوان الفاتحة تحت الحواجب بيعمل لمسة جريئة للعين.

اللون الرمادي لون باهت شويه، علشان كده مش لازم تكثري منه لكن ممكن تدمجيه مع الأبيض أو البيج أو البني.

اللون الأصفر بيدي إضاءة وممكن تستخدميه مع الألوان الترابية.

الآي شادو الأخضر بلاش تحطيه لوحده لإنه بيعطي نظرة باهته للعين لكن بيكون حلو أوي مع البني أو الأسود أو البرتقالي أو الذهبي.

اللون
الأزرق لون جميل والعين بتحبه؛ لكن من الأفضل إنك تدخليه مع لون تاني زي
الأبيض أو الرمادي، وأيضاً ممكن تمزجيه مع الأسود علشان يديكي درجات الأزرق
الغامق، وبيكون حلو أوي، وهو موضة هذا العام، واللونين دول مع بعض أساسيين
في الماكياج الخليجي.

اللون الذهبي أو الأوف وايت أو البيج بيضفي نور على الجفن وممكن تمزجيه مع الألوان الغامقة لإنه بيدي شكل تحفة.

الألوان
اللامعة ممكن تستخدميها تحت الحواجب أو عند زاوية العين من الداخل لإنها
بتعمل إشراقة حلوة أوي بس بلاش تحطيها على الجفن نفسه لإن الشكل مش هيبقى
حلو.

وفي النهاية أنا بانصح دايما أي بنت تستخدم الألوان الفاتحة زي
البيج والأبيض والبني الفاتح لأن الألوان دي بتساعد على علاج مشاكل كتيرة
أوي زي مثلا مشكلة الهالات السوداء وبتدي شكل مشرق للعين..




--------------------------------------------------------------------------------------------------------------------

و
طبعا بتختلف طريقه وضع الآي شادو من خبيرة مكياج لأخرى و دي طريقة نانيس
سليم اللي جبتها وفي طرق أخرى كتيييير لوضع الآي شادو , الخليجي السموكي
التقيل و اللبناني والمصري و بوجه عام شكل الجفن يقسم كما في الصورة
التالية ..............





1-عاده منطقة تحت الحاجب مباشرة تكون باللون الأبيض .
2-بالنسبة
لمنطقة قوس الجفن المتحرك و منطقة الجفن المتحرك نفسة قد يتم المكياج بعمل
لون واحد للمنطقتين أو لونين مختلفين على حسب الشكل المطلوب .
3-طبعا خط العين العلوي والسفلي ألوان غامقة عاده .




و
طبعا يعتمد أختلاف الألوان في هذه الأماكم على شكل العين ولبس البنت و
عشان كدة جبت صور متنوعة من النت لرسومات آي شادو مختلفة وكل واحده تشوف
المناسب لها طبعا







و
الصور دي كمان عجبتني اوي و تعتمد على إختيار درجة فاتحه للجفن و الدرجة
الأغمق عند نهاية العين من الوان مختلفة .......روووووووووعة بجد





و الطرق كتيييييييييييير ومتعدده .....






باقي طريقة الآي لينر والمسكرا و كيفية إزاله مكياج العيون ..


_________________


   
.....


ا

alskandr
مؤسس المنتدى
مؤسس المنتدى

الدولة: مصر
رقم العضوية: 1
الجنس: ذكر

عدد المساهمات: 20465
شكرا شكرا: 597
تاريخ التسجيل: 21/10/2009

رد: طريقة وضع مكياج بالصور رسم العيون تعليم عمل رسمة العين

مُساهمة من طرف alskandr في الإثنين 18 يوليو 2011 - 0:58


[size=24]


مهم
جدا في ماكياج العين لأنه هو اللي بيحدد ويوضح رسمة العين من أولها
لآخرها، وللآي لاينر ألوان كتيرة زي الأزرق والأخضر والبني والموف، وعلى
فكرة الألوان دي بتدي شكل حلو أوي للعين لأنها بتبين جمالها..

وللآي لاينر أنواع كثيرة جدا ففي..

[b]الآي لاينر القلم
والنوع ده جاف وعلشان كده ممكن تستعمليه بسهولة وكمان بيثبت لفترة طويلة بس هو غالي شوية.

[b]الآي لاينر السائل
وده بيتحط بالفرشة بس لازم تكوني محترفة وإيديكي ثابتة أوي علشان تعرفي تظبطيه.

[b]وفيه كمان أشكال مختلفة لفرش الآي لاينر زي..

[b]الفرشة الرقيقة
ودي ممكن ثنيها وهي أحسن نوع لفرش الآي لاينر.

[b]المكحلة
بس النوع ده مع الحر بيسيح على الوش ويعمل نقط زي المية، وممكن يبوظ المكياج.




إزاي ترسمي عينيكي بالآي لاينر؟!






علشان
تقدري إنك ترسمي عينيكي بالآي لاينر من غير ما تبذلي مجهود كبير، يبقى
لازم تكون إيدك ثابتة وأنت بترسمي الآي لاينر، ولو مش قادرة تتحكمي في ثبات
إيدك يبقى ممكن إنك تسندي إيدك على خدك، بعد كده ترسمي خط فوق العين،
وتبدئي من زاوية العين الداخلية، وتخرجي على بره، وتركزي الفرشاة على
الرموش العلوية، وتخرجي بالفرشاة للخارج قليلاً....







ولو

عايزة الآي لاينر يكون شكله هادي وطبيعي يبقى تخففي خط الآي لاينر بآي

شادو أسود أو كحل غامق؛ لكن لو عايزة عينيكي يكون شكلها جريء يبقى ممكن

تسيبي خط الآي لاينر بارز.



][center]الماسكارا

[/center]
[





]

[b]طبعا

مافيش بنت ممكن إنها تستغنى عن الماسكرا لأن الماسكرا بتدي للرموش كثافة،

وبتخليكِ تحسي إن رموشك طويلة، وبتظهر أهمية الماسكرا عند البنات اللي

بتعاني من إن رموشها خفيفة أو قصيرة، دي فوايد الماسكرا.


]

[b]وللماسكرا أنواع متخلفة، وكل نوع من الأنواع له تأثير مختلف على الرموش فمثلا يوجد..

0]
[b]• النوع اللي بيستخدم لرفع الرموش وتطويلها.

• النوع اللي بيستخدم في تكثيف الرموش وتفريقها عن بعض.




والاختيار في النهاية بيرجع ليكي على حسب شكل رموشك، والنتيجة اللي إنتي عايزاها


إزاي تستعمليها

طريقة

استعمال الماسكرا سهلة جداً ولكن لازم تستخدميها بشكل عمودي؛ عشان تفرقي

بيها الرموش عن بعضها، وبتبدأي من الجذور لفوق، وكمان بتبدأي من الزاوية

الداخلية للعين ثم المنتصف ثم آخر العين، ودي هي الطريقة السليمة لتكثيف

الرموش وإطالتها.
[b]
[[b]وخدي بالك من شوية الحاجات دي وإنت بتستعملي الماسكرا:

[b]• إن لو كانت عينيك ضيقة يبقى حطي الماسكرا على الرموش السفلية؛ وده علشان تدي شكل أوسع لعينيكي.

[b]• إن لو عينيكي واسعة يبقى اكتفي بإنك تحطي الماسكرا على الرموش العلوية فقط.

لو حسيتي إنك محتاجة تدي لرموشك طبقة تانية لازم تستني شوية لغاية ما

الطبقة الأولى تنشف وبعد كده تحطي الطبقة التانية من الماسكرا؛ عشان تدي

تُقل وكثافة أكثر، وتركزي على المنطقة الداخلية والخارجية للرموش.
[b]• لو لقيتي رموشك مع الماسكرا التصقت ببعضها حاولي تفرقيهم عن بعض بفرشاة أسنان قديمة أو فرشاة ماسكرا تكوني مش بتستعمليها.



]أفضل طريقة لإزالة ماكياج العيون من غير ما تحسي بحرقان في عينيكِ











هي إنك تتبعي الخطوتين دول..






[b]الخطوة الأولى

إزالة الماسكرا

]وده
عن طريق إنك تحضّري قطنة وتحطيها في كريم زي "نيفيا" أو "لوريال" أو "دوف"

أو "فيزاج"، وتمسحي عينيكِ بالقطنة دي بطريقة دائرية من الداخل للخارج حتى

لا تتساقط رموشك لغاية ما تنظفي عينيكِ تماماً من الماسكرا.

[[b]الخطوة الثانية
غسيل وترطيب العينين
بعد
[b] إزالة الماسكرا اغسلي عينيكِ ووشك بصابون زي "دوف"، وبعد كده ادهني

المنطقة اللي حول العين بزيت اللوز عشان تنشّطي الدورة الدموية.
]طريقة طبيعية لإزالة ماكياج العيون:
ممكن كمان إنك تزيلي ماكياج العين بطريقة طبيعية تماماً وهي إما:

إنك تدهني المنطقة اللي حول العين بنقطة فازلين ونقطة زيت زيتون، وتدلكِ

المنطقة دي كويس وبهدوء، وبعد كده تحضري قطنة مبللة بماء الورد، وتمسحي

بيها عينيكِ وتغسلي وشك بعد كده بالماء والصابون.
• أما لو كانت
[b]بشرتك حساسة ممكن تغسلي وشك بالشامبو الخاص بالأطفال، وبعد كده تشطفيه بماء

بارد، وممكن كمان تعملي كمادات بماء الورد على عينيكِ وبعد كده تحطي كريم

مرطب حول العين.
[b]وفي النهاية أحب أقول لك على نصيحة مهمة أوي :
وهي

إنك لازم دايماً تشتري أحسن وأضمن حاجة خصوصاً في ماكياج العيون، وكمان

لازم تتأكدي من تاريخ الصلاحية، ومهم أوي إنك تسجلي في ورقة إنتِ اشترتيهم

إمتى؟! وابتديتِ تستعمليهم من إمتى بالظبط؟! لأن منطقة العيون دي حساسة

جداً جداً....


_________________


   
.....


ا

elharery
المدير العام
المدير العام

اسم الدولة: مصر
الدولة: مصر
رقم العضوية: 592
الجنس: ذكر

عدد المساهمات: 14842
شكرا شكرا: 567
تاريخ التسجيل: 16/05/2010
الموقع: ندى الأحباب
المزاج: رايق
تعاليق: الصداقة .... أعظم شيء في الوجود..

رد: طريقة وضع مكياج بالصور رسم العيون تعليم عمل رسمة العين

مُساهمة من طرف elharery في الإثنين 18 يوليو 2011 - 1:20










_________________


alskandr
مؤسس المنتدى
مؤسس المنتدى

الدولة: مصر
رقم العضوية: 1
الجنس: ذكر

عدد المساهمات: 20465
شكرا شكرا: 597
تاريخ التسجيل: 21/10/2009

رد: طريقة وضع مكياج بالصور رسم العيون تعليم عمل رسمة العين

مُساهمة من طرف alskandr في الإثنين 18 يوليو 2011 - 2:51

تسام اخى العزيز
منور الدنيا والمنتدى كلة


_________________


   
.....


ا

نور كاندى
اد ار ية
اد ار ية

رقم العضوية: 5879
الجنس: انثى

عدد المساهمات: 257
شكرا شكرا: 9
تاريخ التسجيل: 04/09/2011

رد: طريقة وضع مكياج بالصور رسم العيون تعليم عمل رسمة العين

مُساهمة من طرف نور كاندى في الأربعاء 9 نوفمبر 2011 - 21:31

مشاركة جيدة
والقادم أجمل
ودي


_________________

M.D.L_98
عضو جديد
عضو جديد

رقم العضوية: 9115
الجنس: ذكر

عدد المساهمات: 213
شكرا شكرا: 1
تاريخ التسجيل: 21/02/2012

رد: طريقة وضع مكياج بالصور رسم العيون تعليم عمل رسمة العين

مُساهمة من طرف M.D.L_98 في الأربعاء 4 يوليو 2012 - 7:30

شکرااااااااااااااااااا


_________________


علي حسين داهر
عضو نشيط
عضو نشيط

الجنس: ذكر

عدد المساهمات: 318
شكرا شكرا: 1
تاريخ التسجيل: 25/08/2012

رد: طريقة وضع مكياج بالصور رسم العيون تعليم عمل رسمة العين

مُساهمة من طرف علي حسين داهر في الأربعاء 17 أكتوبر 2012 - 23:17

مشكوريييييييييييييييييين

الباب العالى
عضو نشيط
عضو نشيط

رقم العضوية: 5876
الجنس: ذكر

عدد المساهمات: 314
شكرا شكرا: 0
تاريخ التسجيل: 31/08/2011

رد: طريقة وضع مكياج بالصور رسم العيون تعليم عمل رسمة العين

مُساهمة من طرف الباب العالى في الأحد 30 ديسمبر 2012 - 20:45

تشكر


_________________


looolmoon2013
عضوl مبتدى
عضوl  مبتدى

الجنس: ذكر

عدد المساهمات: 30
شكرا شكرا: 1
تاريخ التسجيل: 30/12/2012

رد: طريقة وضع مكياج بالصور رسم العيون تعليم عمل رسمة العين

مُساهمة من طرف looolmoon2013 في الإثنين 21 يناير 2013 - 11:55

nice

ناروتو
عضو نشيط
عضو نشيط

الجنس: ذكر

عدد المساهمات: 399
شكرا شكرا: 1
تاريخ التسجيل: 29/04/2013

رد: طريقة وضع مكياج بالصور رسم العيون تعليم عمل رسمة العين

مُساهمة من طرف ناروتو في الثلاثاء 5 نوفمبر 2013 - 9:33

رائع

    الوقت/التاريخ الآن هو الإثنين 22 ديسمبر 2014 - 19:40